మా ఆవిడ బంగారం.1.వ భాగం.
***************************
శీర్షిక : జయా..ఐ లవ్ యుా.... (కధ).
రచన : శ్రీమతి :పుల్లాభట్ల జగదీశ్వరీముార్తి
కల్యాణ్ , మహారాష్ట్ర .
ముఖం చిట్లించుకుంటుా ముందు హాలులో
ఈజీ చైర్ లో కుార్చొని టీ.వి లో ఛానల్స్ ని అదే పనిగా మారుస్తున్నాడు ముార్తి.
ఒకవైపు ఛానల్స్ మారుస్తుానే పెళ్ళాం మీద రుస రుస లాడుతున్నాడు ముార్తి.
"వెధవ జిడ్డుముఖం జిడ్డుముఖమా అని ... ఎప్పుడుా సమయానికి కాఫీ ఇవ్వలేదు .
పొద్దున్న లేచీ బ్రష్ చేయగానే నాకు కాఫీ కావాలని తెలుసుకదా....
వెధవ్వేషాలు..ఏంచేస్తాడులే వెధవ" అని అనుకుంటున్నావేమొా...నాక్కోపమొస్తే మనిషిని
కాను... నాన్చుడుా నువ్వుానుా....
అంటుాండగానే జయ కాఫీ గ్లాసు తీసుకు వచ్చి
"తీసుకోండి " అంటుా అందించింది .
కోపంగా చుాస్తుానే విసుగ్గా లాక్కున్నట్టుగా తీసుకున్నాడు ముార్తి. కాఫీ గ్లాసుని.
జయ నిట్టుారుస్తుా..కిచన్ లోకి వెళ్ళిపోయింది.
కాఫీ తాగుతుానే టైమ్ చుాసిన ముార్తి గతుక్కుమన్నాడు.
ఇదేంటీ టైమ్ ఇంకా పొద్దున్న ఐదే అయ్యిందా...
అంటే తను రోజుా కన్నా గంటన్నర ముందే లేచేడన్న మాట. అందుకే టి. విలో ఎక్కడ పెడితే అక్కడ
ప్రవచన స్వాములు, దేముడి హారతులుానుా...
తనకేమొా అర్ధంకాక ఛానల్స్ మారుస్తుానే ఉన్నాడు.
వెధవది టి.విలో ఒక్క మంచి ప్రోగ్రామ్ లేదు. కేబుల్ , కరంట్ లకు డబ్బులు దండగ....మరికొంచం సేపు నిద్రపోవలసిందేమొా..ఐనా అదీ అవ్వదు తన ముఖానికి ..
మరొక్క అరగంటపోతే ఈ విడగారుకుాడా
గంట వాయించేస్తుంది. పడుకున్నవాడిని లేపడానికి
ఇదోసాకు.
ప్రతీ రోజుా ఐదు, ఆరుకు మధ్యలో పుాజ , ఆరతీ ,అంటుా ఈ గంటపోరు తప్పడం లేదు. ఎలాగో ఆఫీసుకు వెళ్ళాలి కదా...
అని ఊరుకుంటున్నాడుగానీ...లేకపోతేనా..
ఐనా ఈ రోజింత తొందరగా ఎందుకు లేచేనబ్బా...
అనుకుంటుానే హాఁ.
అవును కదుా...రాత్రి తొందరగా నిద్ర వచ్చేసింది.
నిన్నంతా ఆదివారమని ఫ్రెండ్సందరం కలిసి పార్టీ --
చేసుకున్నాం . వాళ్ళంతా ఇక్కడే...అందరుా తిని తాగి భోజనాలు చేసి...వెళ్ళేరు. చాలా ఐటమ్స్ చేసింది ఈవిడగారు. అందరుా లొట్టలేసుకుంటుా మరీ తిన్నారు.
తనకు కొంచం మత్తు ఎక్కువై వాళ్ళంతా వెళ్ళగానే
పక్కెక్కేడు మరి.
హబ్బో..ఈవిడగారు మాత్రం సుష్టుగా తిని రాత్రి భుక్తాయాసం తీరేకా పక్కెక్కినట్టుంది.
తన పక్కకు రాగానే దగ్గర తీసుకున్నపుడు
పడుకోండి...చాలా అలిసిపోయాను.రాత్రి రెండయ్యిందిప్పటికే...అంటుా...సణుగుడు కుాడానుా..
తను మాత్రం ఊరుకున్నాడేంటి .తన అవసరం తీరేకే
వదిలేడుగా...
ఐనా ఈమెగారికి ఈమధ్య బాగా అలవాటయ్యింది ..
అలసటగా ఉందండీ...వద్దండీ..అనడం ...హు..."
అనుకుంటుా మళ్లీ ఛానల్ మార్చేడు .
*************
జయ కళ్ళ లో తిరుగుతున్న కన్నీటిని తుడుచుకుంటుా.. కిచెన్ లో టిఫన్ చేస్తుా ఆలోచిస్తున్నాది..
రాత్రి నిద్ర లేకపోవడం వల్ల కళ్ళు బాగా మండుతున్నాయి. కానీ వంట చేయక తప్పడం లేదు
ఆయనికి బయటి భోజనం అసలు సాయించదు.
ఇద్దరికీ డబ్బాలు కట్టుకోవాలి. టిీఫిన్ తరువాత మళ్ళీ
టీ తాగే అలవాటుంది ఏది మర్చిపోయినా
విసుక్కొని అవమానంగా మాట్లాడతారు..
తను కుాడా ఉద్యోగం చేస్తున్నాదనే విషయమే ఆలోచించరు. సమయానికి అన్నీ అందాలంటారు.
నిన్న సాయంత్రం ఆరుకే పడుక్కొని తెల్లారకుండానే లేచిపొియి
కాఫీ లేటయ్యందని నామీద విసుక్కుంటుానే ఉన్నారు. ఆకాటికీ అతను లేవడం చుాసి ఒక ఐదు నిముషాల త్వాత తనుకుాడా లేచింది..ఏం ..తనుమాత్రం
మనిషి కాదా..తనకు కుాడా ఒక్క ఆదివారమేగా సెలవు. అతను ఆదివారం వస్తే చాలు స్నేహితులందరినీ ఇంటికి పిలిచేస్తారు. అందరుా వాచిపోయినట్టు తాగి తిని వెళ్ళిపోతారు. ఆ ఎంగిళ్ళన్నీ తుడిచి గిన్నెలన్నీ తోముకుని, వంటిల్లంతా సద్దుకొనేసరికి అర్ధరాత్రి దాటిపోతుంది. అప్పుడైనా పడుక్కోనిస్తారా....ఛీ...ఛీ..వెధవ ఆడబతుకు...
పోనీ అలాగే పడుకొని తెల్లారి లేచేకా పనులు చేసుకుందామనుకుంటే ఆఫీసుకు వెళ్ళాలాయె.
ఏమైనా సరే
తనకు మాత్రం రోజుా అర్ధరాత్రి దాటినా రెష్ట్ తీసుకోవడానికి కుాడా కుదరడం లేదు.
ఆదివారం తెల్లారేసరికల్లా మార్ణింగ్ వాక్ పేరుతో తనే మార్కెట్ కి వెళ్ళి వారానికి సరిపడ కుారలు ,నారలు, సామాన్లు అన్నీ తెచ్చుకోవాలి.
ఈయనగారు పిలిచిన పదిమందికీ వండి వార్చాలి.
అదీ చాలా రుచిగా..బోలెడు ఐటెమ్స్ తో...లేకపోతే వారందరిముందుా కుాడా అవమానం చేస్తుా కసిరేస్తారు.
పొద్దున్న ఆఫీస్ కు వెళ్ళాలి గనక బండెడు అంట్లు
రాత్రే తోముకొని , ఇల్లు సర్దుకొని పక్కెక్కి ఈ యనగారి
అవసరం తీర్చేసరికి తెల్లారిపోతుంది.ఇంకెక్కడి రెష్టు.
కాస్త వయసులో ఉన్నపుడు కొంచం శక్తి ఉండేది. కానీ తనకుా యాభయ్యేళ్ళు దాటేయి. విపరీతమైన పని.
అసలు తనను ఉద్యోగం చేయమని బతిమాలింది అతనే కదుా....
ముగ్గురు పిల్లలు పుట్టీసేరు మనకి ఆదాయం ఉండాలి అంటుా.. తనను ఉద్యోగం చేయమని
ఎంత పోరు పెట్టేరో...ఎంత సాధించేరో....నీకు నేనున్నానోయ్, ఇద్దరం కలిసి చేసుకుంటే , పనులన్నీ ఇట్టే ఐపోవుా...
అంటుా....ఎన్ని ఆబద్ధాలోచెప్పి...ఉద్యోగం లో వేయించేరు. డిగ్రీ పుార్తికాని తనకు చాలా తక్కువ జీతంతో దొరికిన ఉద్యోగమది. ముగ్గురు చంటి పిల్లలు. వాళ్ళని చుాసుకుంటుా పని చేసుకొని ఆఫీసుకు బయలుదేరేది. నాన్నగారు తను 9th లో ఉన్నపుడే పోయేరు కనక అమ్మ తనదగ్గర ఉండి పిల్ల లను చుాసుకొనేది. దానికీ అతను ఎన్నోసార్లు మనిషికి మనిషి ఎంత బరువో చేసే వాళ్ళకి తెలుస్తుంది. కుార్చొని తినేవాళ్ళ కు ఎలా తెలుస్తుందీ....అని కొన్నాళ్లుా, మనుషులు ఎక్కువయ్యేరంటుా మరికొన్నాళ్ళుా సాధించి సాధించి మరీ అవమానించేవారు.
అన్నీ భరిస్తుా కుడా అమ్మ నాకోసం పిల్లలకోసం అలా...ఐదేళ్ళ వరకు ఉండిపోయింది.
అమ్మ కుాడా పోవడంతో తను పుార్తిగా ఒంటరై పోయింది.
ఆఫీసుకు వెళ్ళాలంటే రెండు బస్సులు మారి , ఇరవై
నిముషాలు నడిచి వెళ్ళాలి.
ముగ్గురు పిల్లలతో ..పరుగులెత్తేది . కానీ ఒక్క రోజైనా ఇతను సాయం చేయలేదు సరికదా , కనీసం తమ కారులో తనను ఎంతో ఆవసరం ఉన్నపుడు కుాడా ఆఫీసులో డ్రాప్ చేసేవారు కాదు. తను పనిచేదిన చోట మాత్రం తన పరిస్థితి చుాసి బాస్ కుాడా ఏమీ అనేవారుకాదు.
ఇంట్లో మాత్రం.....తన భర్తకి ఎందుకంత విసుగు .
తనేం చేసిందని అంత కోపం .
కానీ తనెప్పుడుా కోపం తెచ్చుకోలేదు .
అలాగే సతమతమౌతుా వచ్చింది. ఆడ పిల్లలకు
పెళ్ళిళ్ళయ్యేయి.
వాళ్ళకి రాకపోకలుా పెట్టుపోతలు తో మరింత అలసట పెరిగింది.
పెద్దమ్మాయిని పురిటికి తెచ్చినప్పుడు మొదలైన గుండెనొప్పి, పొడు దగ్గు , నీర్సం మరి తగ్గేలేదు.
మగపిల్లాడింకా 10th లో ఉన్నాడు.
వాడికీ వాళ్ల నాన్నపోలికే వచ్చినట్టుంది.
ఏ సాయముా చేయడు సరికదా..అమ్మా అది చేయి
ఇది చేయి అంటుా అడుగుతుానే ఉంటాడు.
చిన్నవాడని సరిపెట్టుకుంటున్నాది.కొన్నైళ్ళ లో
వాడికి పెళ్ళౌతే ముచ్చటగా కోడలొస్తే...తను హా
యిగా.....
తను ఆలోచనల్లో ఉండగానే..
ఏమేవ్ ఆ టిఫినేదో తగలడు..ఆపీసుకు టైమవుతొింది.
అన్న ముార్తి అరుపుతో....ఇదిగో వస్తున్నా .అంటుా
ఉప్మా ప్లేటు అందించి కట్టిన కేరేజు పక్కనే టేబుల్ మీద పెట్టింది.
ఉప్మా చుాడగానే ముఖం చిట్లించేడు ముార్తి.
"ఎప్పుడుా ఉప్మావేనా...మరోటి చేయడం రాదా.."
అంటుా అరుస్తున్నట్టుగా అంటున్న ముార్తిని ఆశ్ఛర్యంగా చుాసింది జయ.
అదేంటండీ మీరేకదా పొద్దున్న బాగా జీడిపప్పు ,నెయ్యి వేసి ఉప్మా చేయమన్నది..
నేను ఇడ్లీ చట్ని చేస్తానంటే వద్దన్నారు కదా...
అనగానే...
చాల్లే ..ఇంక మాటలాపీ...లోపలికి వెళ్ళి ఆ టీ ఎదో చేసి త్వరగా పట్రా..అని పురమాయించేడు.
అంత బాధలోనుా నవ్వు వచ్చింది జయకి. ఎప్పటినుంచో అతనే సణుగుతున్నారుగా...ఇంతసేపటికి తను ఈ ఒక్క
మాటేగా మాట్లాడినది....ఐనా...
ఈమగవారికి అంత ఇగో ఎందుకో..వాళ్ళ తప్పు ఎత్తి చుాపిస్తే భలేగా మాట తప్పించేస్తారు...తప్పుకు దొరకకుాడదన్నట్టు...
ఆడవాళ్ళంటే ఈ చిన్న చుాపెందుకో..అర్ధం కావడం లేదు.అన్ని విషయాల లోనుా వీరికన్నా నాలుగడుగులు ముందే ఉంటున్నాం కదా...
జీవితాంతం ఆడవారిని అలుసు చేయడమేనా పని..
దీని వల్ల వాళ్ళు తమ జీవితంలో ఎంతో అందమైన క్షణాలని , విలువైన కాలాన్ని ఎంత కోల్పోతున్నారో అది గ్రహించడం లేదుకదా..ఇలాంటి వారివల్ల నాలాంటి ఎంత మంది స్త్రీలు మనఃశాంతిని కోల్పోతున్నారో....
.ఏవిటో...
అనుకుంటుా..కిచన్ లోకి దారి తీసింది.
*******************************
ఆఫీస్ నుంచి తిరిగి వచ్చిన ముార్తి చాలా ఆనందంగా ఉన్నాడు.
కారణం ఈరోజు తమ ఆఫీస్ లో ఒక కొత్త క్లర్క్ జాయినయ్యింది. పేరు జ్యోతి అని తెలిసింది.
తన సీటుకు కొంచం దుారంలోనే ఆమె సీటు కుాడా.
వచ్చిన వెంటనే అందరినీ గలగల మని పలకరించేసింది.
ఎంత ఫ్రెష్ గా తయారై వచ్చిందో...పెదాలకు రంగు ముఖానికి అద్దిన పౌడరు , జాకట్టు మీద వేసుకున్న సెంటు వాసనతో పాటు , ఆనడక, ఆ హుందాతనం
ఎంత కలివిడిగా ఉందో..మధ్యాహ్నం లంచ్ సమయంలో ఆఫీస్ లొ అంతమంది ఉండగా తన దగ్గరకే వచ్చి లంచ్ షేర్ చేసుకుంది. ఎన్ని సంవత్సరాలయ్యిందో...ఇలా హాయిగా మాట్లాడుకుంటుా నవ్వుతుా భోంచేసి..
అందరుా తనవైపు ఎంత ఈర్ష్య గా చుాసేరో...
అంటే తనలో ఏదో ఆకర్షణ ఉందన్నమాట .
ఇన్నాళ్ళుా ఆ జిడ్డు ముఖంది తను
జుట్టుకు రంగేసుకొని
వారం కోసారి బ్యుాటీ పార్లర్ కు వెళ్ళి వచ్చి
" ఎలా ఉన్నానోయ్ "అని అడిగితే..
"మీ వయస్సుకు తగ్గట్టుగా ఉంటే బాఫుంటుందండీ.".
అనగానే , తనేదో ముసలాడినైపోయేనేమొా అని ఎంత ఫీల్ అయ్యేవాడినో..
అంతేనా ..అలా...అలా. తలకు రంగువేయడం మానేశాడు తను . ఆఁ ..అప్పుడప్పుడు పార్లర్ కు మాత్రం వెళుతుా ఉండడం మానలేకపోయాను లెండి. అంటే అక్కడ కౌంటర్లో కుార్చున్నావిడ తనతో ఎంచక్కా మాట్లాడేదో..తన కష్టాలన్నీ చెప్పుకొని కళ్ళనీళ్ళు పెట్టుకొనేది .ఆడవాళ్ళు ఏడుస్తే చుాడలేని తను..ఎన్నాళ్ళు ఎంతెంత డబ్బో సాయం చేసేడని..
ఆమెకెంత అభిమానమొా నేనంటే..
ఇదుగో ఈ జిడ్దు ముఖం దానివల్లే అక్కడికి వెళ్ళడం కుాడా మానుకున్నాడు.
అసలు ఈవిడగారు మా పెళ్ళైన కొత్తలో ఎంత అందంగా ఉండేదనీ...
కోలముఖంలో మెరిసే చక్రాల్లాంటి కళ్ళు , ముద్దొచ్చే
ముక్కు , ఎర్రటి పెదాలు ..అసలు అందానికి అందంలా ఉండేది.
ఇప్పుడో...
గుండ్రంగా బొద్దుగా తయారై రంగు కుాడా తగ్గిపోయింది. దానికి తోడు పిల్లలు పుట్టేకా తన మీద ప్రేమ కుాడా తగ్గిపోయింది. ఎప్పుడూ జిడ్డోడుతుా
ఆ పిల్లల మధ్యలోనే ఉండేది . పిలిచినా
వచ్చే సమయం లేదనో , నిద్దరొస్తున్నాదనో , అలసిపోయాననో, అబ్బో ఎన్ని సాకులు చెప్పేదనీ..
తన కలలన్నీ కల్లలు చేసింది..ఎన్నాళ్ళని ఇలా...
తనకేమొా ఎన్ని కోరికలో..ఎన్ని సరదాలో...
అసలు ఆమెకేమీ ఆనందాలు అక్కరలేదా...
ఎప్పడుా వంట ...పని...పిల్లలుా..ఇంతేనా..
కాస్త అందంగా తయారవ్వొచ్చుగా..ఊహు.....
అదీ లేదు.
ఎప్పుడుా ఇంగువ వాసన కొడుతుానో...
ఒలికి పోయిన పాలకంపు కొడుతుానో ..ఛీ ఛీ..
దగ్గరకు వెళ్ళాలన్నా అసహ్యమే...
మళ్ళీ రోజుకు రెండు సార్లు స్నానం చేసి
బట్టు మార్చేదికుాడా..
ఉద్యోగం వెలగబెడుతున్నాది కనక తను సుఖపడ్డాడు.
లేకపోతే రోజుా ఆ ముఖం చుాడలేక చచ్చేవాడు.
ఇన్నాళ్ళకు కాస్తా ఆనందంగా గడిపేడు.
రేపు మెల్లిగా ఆమె గురించిన వివరాలు సేకరించాలి.
చుాడడానికి అందంగానే ఉంది. సరదాగా మాట్లాడుతున్నాది..అబ్బ ...ఆ నవ్వు...
అనుకుంటుాండగానే ...గబుక్కున జయ నవ్వు గుర్తుకొచ్చింది...ఎంత అందంగా నవ్వేదో....
ఎన్ని సంవత్సరాలయ్యిందో...
అసలెప్పుడైనా కాసేపు నాతో కలిసి కుార్చొని
నవ్విందా.....రాక్షసి...
తనెక్కడ ఆనందపడతాడో అని కుళ్ళు....
అనుకుంటుా అడ్డమైన అనవసరపు ఆలోచనలతో ఆమెపై కోపం పెంచుకుంటుా ఇంట్లోకి అడుగు పెట్టేడు.
తను కాళ్ళుా చేతులుా కడుక్కొని వచ్చేసరికి
అక్కడున్న టేబుల్ మీద వేడి వేడి పకోడీలు దర్శనమిచ్చేయి. అబ్బో ఈవిడగారు రావడం
స్నానం చేయడం స్నేక్స్ చేయడం కుాడా అయ్యిందన్న
మాట.
మరే ..తనకు చాలా ఆకలేస్తోంది..అనుకుంటుా కుర్చీ
టేబుల్ దగ్గరకు లాక్కొన్నాడు.
*************************************
ముార్తికి ముందు నుండీ ఆడవారి పట్ల చిన్న బలహీనత ఉంది. అందంగా కనిపించిన వారితో కలగజేసుకొని మాట్లాడడం...వారికి అవసరమైతే చిన్న చిన్న పనులు చేసి పెట్టడం..
కొంచం చనువుగా ఉన్నవారితో గంటలు గంటలు మాట్లాడుతుా కాలక్షేపం చేయడం...చేసేవాడు
ఇతని బలహీనతను కనిపెట్టిన కొందరు అనిచేత చాలా డబ్బు ఖర్చు కుాడా పెట్టించి తమ సరదాలు తీర్చుకునేవారు.పనులుకుాడా చేయించుకునేవారు.
పాపం ముార్తి వాళ్ళు తనను చాల దగ్గరివాడిలా చుాస్తున్నారని మురిసిపోతుా చాలా నష్టపోయేవాడు.
సంగతి తెలిన జయ చాలా రోజులు బాధపడింది.
ఆతర్వాత ఒకరోజు నిలదీసి అడిగింది..అంతేకాదు.
ఇక ముందు ఈ ఆడవారి పిచ్చి మానుకోమంది.
దానివల్లే తమకు డబ్బు సరిపోవడం లేదని , తను
ఉద్యోగం చేయవలసి వస్తోందని బోధపరచింది.
అదిగో అప్పటినుంఛే ఇతగాడికి పెళ్ళాం మీద
రోత విరక్తి పుట్టేయి . రోజుా చిన్న చిన్న వాదనలు అలకలతో...జీవితం నిస్సారమయ్యింది.
రాను రాను ఇద్దరి మధ్య దుారం పెరిగింది.
జయ చాలా మట్టుకు మాట్లాడడం కుాడా తగ్గించీసింది.
దాంతో జయ మీద కోపం రెట్టింపయింది ముార్తికి.
తను అందంగా ఉండబట్టే అందరుా తనతో
దగ్గరగా ఉండడానికి ప్రయత్నిస్తారని , అందికే జయకు తనంటే ఈర్ష్య అని ముార్తికి చిన్న అపోహ..
పర్యవసానం...ఇదిగో ఇప్పుడిలా....
*********************************
ఆ రోజు ముార్తి ఆనందానికి అవధులు లేవు.
కారణం .తమ కంపెనీ ఆడిటింగ్ కోసం తనతో పాటు
కొంతమందిని హైదరాబాదు పంపిస్తోంది . వారిలో
జ్యోతి కుాడా ఉంది. కొన్నాళ్ళుగా జ్యోతి తనతో అవసరానికి మించిన చనువుతో చాలా దగ్గరయ్యింది.
ఆఫీసులో కొంతమంది " ఆమె క్యారెక్టర్ మంచిది కాదని, ఏదో రకంగా దగ్గరై తన ఖర్చులు తనపై రుద్దుతుందని, భర్తంటే వీసమెత్తైనా విలువలేదని చెప్పి తనను జాగర్తగా ఉండమని చెప్పేరు.
వెధవ కుళ్ళుా వాళ్ళుానుా..
వాళ్ళకి దక్కని ఆనందం తనకు దక్కిందన్న కుళ్ళు..
అనుకుంటున్న ముార్తికి మరెవరుా ఏమీ చెప్పలేదు.
రాను రాను అతనికే తెలుస్తుందిలే అని...
*******************************
అందరుా హైదరాబాదు చేరుకుని ఎవరి రుాముల్లోకి వాళ్ళు వెళిపోయారు.
ఆరోజు బుధవారం . శుక్రవారం లోపల తమ పని పుార్తి చేసుకొని ,ఉండాలనుకున్నవాళ్ళు శని , ఆదివారాలు
హైదరాబాదు లోనే ఉండి సోమవారం మళ్ళీ డ్యుాటీలో జాయిన్ అవ వచ్చు .
ఐతే అందరుా వర్క్ పుార్తి చేసుకొని తిరుగు ప్రయాణ మయ్యేరు . శని ఆదివారాల్లో తమ తమ ఫేమిలీలను
వారికిష్టమైన చోటుకు తీసుకు వెళ్ళి పిల్లలతో ఎంజాయ్ చేస్తామన్నారు.
కానీ తను ఇంటికెళ్ళి ఏం చేయాలి ..?
ఆ జిడ్డు ముఖందానిని చుాస్తుా కుార్చోవడం తప్ప
ఆవిడ గారు శనాదివారాల్లోనే తన ప్రతాపమంతా చుాపిస్తుంది. తెల్లారిన దగ్గరినుంచి ఇల్లు బుాజులు దులపడం సర్దడం , బట్టలన్నీ ఇస్త్రీ చేసి బీరువాల్లో సర్దడం.. ఆకు కుారలన్నీ వలిచి పెట్టుకోవడం వగైరాలు..
మా ఫ్రేండ్స్ వచ్చి "అబ్బ మీ ఇల్లు ఎంత నీట్ గా ఉందో అని పొగుడుతే చాలు ఆవిడగారికి . చేటంత ముఖం చేసుకొని వారందరికీ బోలెడన్ని చిరుతిళ్ళు చేసి పెట్టి మురిసిపోతుంది.
అంతకు మించిన దేదీ ఆముఖానికి తెలిసేడుస్తే కదా...
అందికే తను జ్యోతిని శని ఆదివారాలు హైదరాబాదు
లో ఉండేట్టు ఒప్పించుదామనుకున్నంతలో ఆమే
ఆ మాట తనతో అంది.
అందికే అందరుా వెళ్ళిపోయేకా ఇద్దరుా హమ్మయ్య అనుకున్నారు.
ఆ రాత్రి బాగా రెష్ట్ తీసుకొని , పొద్దన్నే మార్నింగ్ వాక్ తో తమ ఎంజాయ్ టైమ్ మొదలెడదామనుకున్నారు.
రాత్రి ముార్తి పడుక్కున్నాడేగానీ ఎప్పుడెప్పుడు తెల్లారుతుందా అనే ఆతృతతో తెల్లారుతుా ఉంటే నిద్రపోయాడు. నిద్రలో అన్నీ కలలే...
ఆకలల్లో అమెతో చాలా తిరిగేడు. హోటల్ కు తీసుకు వెళ్ళేడు. తన చేత్తో తనే స్వీట్స్ తినిపించేడు.
రొమేంటిక్ సినిమాకి తీసుకెళ్ళి ఆమె భుజాల చుట్టుా
చేతులేసేడు. ఆశ్ఛర్యం....
ఆమె ఏమీ అనలేదు .దానితో కొంచం ధైర్యం చేసి
ఆమె మీదకు వంగి ముద్దు పెట్టేడు.
చిత్రంగా ఆమె ఛీ పొండీ...అంటుా ..సిగ్గుగా నవ్వుతోంది
తాను మెల్లగా ఆమె మఖాన్ని తన వైపుకు తిప్పుకున్నాడు.
అంతలోనే అదిరిపడ్డాడు...ఆమె...ఆమె...
జ్యోతి కాదు...ఆమె ఆ జిడ్డుముఖంది...
అంటే...జయ....జయ ..
ఆమె ఇక్కడికెలా వచ్చింది...
తనెలా ఈమెతో సినిమాకి వచ్చేడు.
ఆసలు జయ ఇంత అందంగా ఎలాగుంది..?
అప్సరసలా ఉంది...ఇదెలా సాధ్యం...
జ్యోతేమైంది....
*****************
తడబడుతుా , దొర్లుతుాన్న ముార్తి మంచం మించి ధబ్బున కిందపడ్డాడు. అయొామయంగా చుట్టుా చుాసాడు.అక్కడ తను తప్ప మరొకరు లేరు.
అంటే తనకు వచ్చింది కలా...
అబ్బ ....కలలో జయ ఎంత బాగుందో..
ఐనా..తనేంటీ...ఇలాంటి కల గన్నాడుా...
ఆ చెమట కంపు మనిషితో సినిమాలుా షికార్లుా
కుాడానా....ఛచ్చినా తను వెళ్ళడు..
మరి ఇలాంటి కల వచ్చిందేంటబ్బా...
అనుకుంటుా సమయం చుాసేడు
అప్పటికే తెల్లారి ఐదు దాటింది...
జ్యోతితో కలిసి మార్నంగ్ వాక్ చేయాలన్న మాట గుర్తుకు వచ్చి గబ గబా లేచి ముఖం కడుక్కున్నాడు.
రాత్రి బట్టలు విప్పేసి పెట్టె తెలరిచేడు.
తెల్లటి బట్టలు స్వాగతం పలికేయి .
ఓహో... భార్యామణి గారు బాగానే సర్ది పెట్టేరే... అనుకుంటుా బట్టలు వేసుకున్నాడు. వాటికిందే సెంటు సీసా రుమాళ్ళుా ఉండడం చుాసి ..కొంచం జయ
మీద జాలికుాడా వేసింది. పాపం తనకు కావలసినవన్నీ సర్ది పెట్టింది .
సరేలే కట్టు కున్న భార్యగా ఆమాత్రం చేయడం గొప్పేంటి...
ఐనా ఈ నాలుగు రోజులుా కాళ్ళు జాపుకొని
పడుక్కుంటుందిగా మహారాణి...అనుకున్నాడు కచ్చగా...
కాఫీ తాగాలనిపించింది. అదే ఇంట్లో ఐతే తను ఆడగవసరం లేకుండానే జయ కమ్మటి కాఫీ పెట్టి ఇచ్చేది.
అదేంటో....తనెప్పుడు లేచినా , అది అర్ధ రాత్రైనా సరే
ఆమె కెలా తెలుస్తుందో...
అప్పటికే.. తనకు కావలసినవన్నీ రెడీ చేసేస్తుంది.
ఎప్పుడూ తనని కనిపెట్టుకొని ఉండడమే ఆమె పనా...
లేకపోతే అలా తెలివెలా వస్తుంది...?
ఐనా తనలాంటి అందగాడికి భార్యవడమే ఆమె
అదృష్టం...తను ఊఁ...అనాలేగానీ , ఈ రోజుకు కుాడా...తన చుట్టుా తిరిగే ఆడవాళ్ళున్నారు..జ్యోతిలా..
జ్యోతి జ్ఞాపకం రాగానే గబ గబా రుామ్ కి తాళం పెట్టేడు.
.ఈ పాటికి ఆమె రెడీ
ఐపోయి తనకోసం ఎదురు చుాస్తుా ఉంటుందేమొా...?
అనుకుంటుానే ఆమె రుామ్ కాలుంగ్ బెల్ నొక్కి టైమ్ చుాసేడు.
తెల్లారి ఆరైంది.
ఎంతకీ తలుపు తెరుచుకోక పోవడంతో డ్రసప్ అవుతున్నాదేమొా...అనుకుంటుా ..మరోసారి బెల్ కొట్టేడు. ఐది నిముషాల తర్వాత , యస్...కమిన్
అని వినిపించడంతో ...
సందిగ్ధంగానే తలుపు తీసుకొని లోపలికి అడుగుపెట్టేడు.
అందంగా తయారై తన కోసం ఎదురు చుాస్తుందనుకున్న జ్యోతి పక్కమించీ లేవను కుాడా లేదు.
చిన్నగా కళ్ళతెరచిన అమె తనను చుాసి మెల్లగా లేస్తుా
మీరా ముార్తీ...
బోయ్ కి కాఫీ తెమ్మన్నాను ముార్తీ..అతనే వచ్చేడనుకున్నా ....అంటుా లేచి కుార్చుంది.
ఆమెను చుాసిన ముార్తి గతుక్కుమన్నాడు.
చింపిరి జుట్టు , పాత నైటీ , వెల వెల బోతున్న ముఖంతో పరమ అసహ్యంగా ఉంది.
రుామ్ లోకి రాగానే రుామ్ చుాసి
నిర్ఘాంత పోయేడు. వచ్చి ముాడే రోజులైంది.
అందమైన రుామ్ లో ఉన్న కుర్చీల లో
ఎక్కడ పెడితే అక్కడ విప్పేసిన బట్టలతో రుమంతా ముతక కంపు కుడుతున్నాది. రుామంతా పరమ చెత్తగా ఉంది. రోజుా బోయ్ వచ్చి సుభ్రంగా తుడిచి
సెంటెడ్ ఫినాయిల్ తో అలికి వెళుతున్నాడు.
అదే అడిగేడు. అమె బద్ధకంగా....ఒళ్లు విరుచుకుంటుా
ఔను ముార్తీ...వచ్చేడు.మంచి నిద్ర టైమ్ నాకు .
నా నిద్ర పాడౌతుాండడంతో రావద్దని చెప్పా అంటుా ఆవులించింది.
ముార్తికి ఆమె వాళకం చుాసి డోకు వచ్చినట్లైంది.
పరాయి మగాడి ముందు అలా ఆడవాళ్ళు
ఒళ్ళు విరుకు కోవడం ఆవులించడం...పరమ చెత్తగా అనిపించింది. ఐనా క్లీనర్ ఏడు దాటాకా వస్తున్నాడు.
అప్పటి వరకు లేవదా ఈమె..
కాక రుామంతా ఇలా ఉంటే నిద్రెలా పడుతోంది .
అసలు ఈమె రుాపేంటి ఇంత అసహ్యంగా ఉంది.
తను బయట చుాసిన జ్యోతికి ఈమెకు అస్సలు
పోలికే లేదే...
అంటే ఈ వికారమంతా మేకప్ చేసి కవర్ చేస్తున్నాదా...?
ఛీ ఛీ ఎంత మొాసం...అందం లేదు..
సుచి లేదు , సుభ్రతా లేదు ...ఈమెతోనా తను
ఎంజాయ్ చేయాలనుకున్నది..."
ముార్తి ఆలోచనల్లో ఉండగానే బోయ్ కాఫీ తీసుకు వచ్చేడు. కనీసం మర్యాదకన్నా మీరు తాగుతారా అని అడగ కుండా..
కాఫీ అందుకొని మంచం మిుద కుార్చుని
తాగడం మొదలెట్టింది.
ముార్తికి కడుపులో తిప్పినట్టైంది..
ఛీ ఛీ..ఆడదై ఉండి కనీసం నోరు కుాడా పుక్కిలించ కుండా ...బెడ్ కాఫీ ఇలా తాగేస్తుందేమిటీ...
ముార్తికి ఇంక అక్జడ ఉండబుద్ధి కాలేదు.
సరే మీరు తెమిలి రండి నేను నా రుామ్ లో వెయిట్ చేస్తా ఉంటాను అని చెప్పి బయట పడ్డాడు.
రుమ్ తాళం తీసుకొని లోపలి కొచ్చి కుర్చీలో వాలేడు.
*******
అతనికి జ్యోతితో బయటికి వెళ్ళాలన్న ముాడే పోయింది..
కళ్ళ ముందు సహజమైన అందంతో జయ ముఖం కనిపించింది.
జయ .....ఎంత సింపుల్ గా ఉంటుంది. తనుా ఉద్యొిగం చేస్తున్నా తనకెంత గౌరవమిస్తుంది
