పండిత ప్రతిభ

*ఆహా ఏమి రాశావయ్యా!!!!! ఏమి స్వామి నీ మహిమ?*

      (అక్షరాంక గద్య )

మల్లికార్జున పండితుడు శ్రీశైల మల్లన్నను అచ్చులు, హల్లులతో ఎలా స్తుతించాడో 

చూడండి.  పాల్కురికి సోమన్న  అద్భుతంగా వ్రాశారు. 

'అ'ఖిల లోకాధార 

'ఆ'నంద పూర

'ఇ'న చంద్ర శిఖి నేత్ర  

'ఈ'డితామల గాత్ర

'ఉ'రు లింగ నిజరూప

'ఊ'ర్జితా జలచాప

'ఌ'లిత తాండవకాండ 

'ౡ'నికృతా జాండ

'ఏ'కైక వర్యేశ 

'ఐ'క్య సౌఖ్యా వేశ

'ఓం' కార దివ్యాంగ   

'ఔ'న్నత్య గుణ సంగ

'అం'బికా హృదయేశ

'అః'స్తోక కలనాశ

'క'నద హీనాభరణ 

'ఖ'ల జలంధర హరణ

'గ'ల నాయక విధేయ 

'ఘ'న భక్తి విజేయ

'జ'శ్చూల కాలధర

'చ'రిత త్రిశూల ధర

'ఛ'ర్మ యాధ్వస్త 

'ఞ'న గుణ ధళ ధీర

'ట' త్రయాది విదూర 

'ఠ' ప్రభావాకార

'డ'మరుకాది విహార 

'ఢ' వ్రాత పరిహార

'ణ' ప్రవాగార 

'త'త్త్వ జోనేత

'థ'వి దూర జవ పక్ష 

'ద'వన పాలన దీక్ష

'ధ'రణీ థవోల్లీడ 

'నంది కేశారూఢ

'ప'ర్వతీశ్వర లింగ 

'బ'హుళ భూత విలాస

'భ'క్త్వ హృద్వ నహన 

'మం'త్రస్తుతోధార 

'య'క్ష రుద్రాకార

'ర'తిరాజ బిన హంస

'ల'లిత గంగోత్తంస 

'ళ'మా విదవ్రంశ 

'వ'రద శైల విహార 

'శ'ర సంభ వాస్ఫార

'ష'ట్తింశ తత్త్వగత  

'స'కల సురముని వినుత

'హ'రి నేత్ర పదపద్మ- అంశిత భూధరపద్మ

'క్ష'ర రహిత చరిత్ర - అక్షరాంక స్తోత్ర 

శ్రీ పర్వత లింగ 

నమస్తే నమస్తే నమస్తే👌

వాయుపుత్రుడు భీమసేనుడు.

మహతీ సాహితీ కవిసంగమం.

28/10/2021. (గురువారం ).

అంశం : వాయునందనుడు.

రచన శ్రీమతి పుల్లాభట్ల జగదీశ్వరీముార్తి

కల్యాణ్  మహారాష్ట్ర .

మ. సా క సం : 19.

కవితా సంఖ్య : 03

శీర్షిక : వజ్రకాయుడు.

(వచనం )

యాదవరాజైన కుంతిభోజరాజు 

కుమార్తె కుంతీదేవి,వసుదేవుని 

 చెల్లెలు, శ్రీకృష్ణునికి మేనత్తయే 

 గాక పాండురాజు భార్య, 

 పాండవులకు తల్లి. ఆమె అసలు 

 పేరు పృధ ॥

 

 చిన్నతనంలో దుార్వాసుడిచ్చిన 

 అనునుగ్రహ కారణంగా, ఆమె 

 కోరుకున్నపుడు ఏదేవుడిని స్మరిస్తే

 ఆ దైవానుగ్రహం వలన సంతానాన్ని

 పొందగలిగే వరం పొందుతుంది.

ఆ వరోత్సాహంతో వివాహానికి 

ముందే కుంతి, సుార్యదేవుని జపించగా

వర ప్రభావ ఫలితంగా సుార్యుని వలన

కవచకుండలాలతో, సూర్య తేజస్సుతో 

కుంతికి జన్మించిన వాడు కర్ణుడు.।

కుంతికి ,పాండురాజుతో వివాహామైన

పిదప చాలాకాలం వరకు సంతానం 

కలగలేదు.

ఒకపరి

మహర్షులంతా" బ్రహ్మ "సందర్శనానికి 

సత్యలోకం వెళుతున్న సమయంలో,

పాండురాజు తాను కూడా భార్యా

సమేతంగా వెళ్ళబోయి

అపుత్రశ్యాగతిర్నాస్తి" అనే వేద 

వచనాన్ని తలచుకొని బాధ పడుతున్న

తరుణంలో పాండురాజు తో, 

యోగ దృష్టిధనులైన మునులు, 

దైవ  ప్రసాదముతో నీకు పుత్రులు

 కలిగే యొాగముందని పలుకగా,

ఆతని ప్రథమ పత్ని యైన 

కుంతీ ద్వారా "వర " ప్రసాద విషయం 

తెలుసుకున్న పాండురాజు ప్రోద్బలంతో ,

వాయుదేవుని అంశతో,కుంతికి జన్మించిన

వజ్రకాయుడు, పంచపాండవులలో

రెండవ వాడైన వాడు భీముడు.॥

కౌరవానుజుడైన దుర్యోధనుడు 

అతి బలుడైన భీమునిపై అసుాయతో

భీముని నీటిలో పడవేసి చంపడానికి చేసే

ప్రయత్నంలో , నాగలోకానికి చేరి

వెయ్యి ఏనుగుల బలంతో  తిరిగి వచ్చిన 

వజ్రకాయుడు భీమసేనుడు.॥

భుజ బలంలోనూ, గదా యుధ్ధంలోనూ

కౌరవ పాండవులలో సాటిలేని  వీరునిగా

పేరొందిన ఘన గదా ధరుడు భీముడు॥

మల్లయుద్ధ యొాధుడైన భీముడు

మల్ల యుద్ధంలోజరాసంధుని, బకాసురున్నీ

అతని సోదరుడు కిమ్మీరున్నీ వధించిన మేటి.

హిడింబాసురుణ్ణి వధించి, ఆతని సోదరి

హిడింబిని వివాహమాడి, ఘటోత్కచుడనే

పుత్రుని . పత్ని ద్రౌపదిచే  "శ్రుత సోముడు"

 అనే .ఇరువురు పుత్రులను బడసినవాడు.

 

కురుక్షేత్ర సంగ్రామంలో ఆరు 

అక్షౌహిణుల మేర శత్రుసైన్యాన్ని

 నిర్జించినవాడు, ధుర్యోధన దుశ్శాసనాది 

 కౌరవులు నూర్గురినీ వధించాడు ఐన

అతిబల భీమకాయుడు భీమసేనుడు ॥

మత్తకోకిల.. క్రిష్ణ క్రిష్ణ

క్రిష్ణ కేశవ క్రిష్ణ కేశవ  క్రిష్ణ కేశవ  పాహిమం

క్రిష్ణ కేశవ క్రిష్ణ కేశవ క్రిష్ణ కేశవ రక్షమాం ॥

క్రిష్ణ దేవకి నంద నందన క్రిష్ణ పాహి జనార్ధనా

క్రిష్ణ వేణుసు నాద నందిత  క్రిష్ణ  పార్ధసు సారధీ॥

దేవకీ వసు దేవ నందన        దేవ, దానవ భంజనా 

భావ భక్తిసు దాస పోషక       భాగ్య దాయక పావనా ॥

భుావరాభువ నైక పాలక       భుారి కారు ణ్యాఘనా

పావ నాశక  శాప మొాచ       పరేశ పంకజ లోచనా॥

బాల లీలల పల్లె గాచిన    భాగ్య భక్త జనావనా

గ్వాల మురళీ లోల లోచన   గర్వ, కాలుష వారణా

జాల గోకుల బాల  బాంధవ ఛాయ గోపి జనావనా 

పాల కాపశు పాల కాప్రియ బాల నందసు నందనా ॥

మాల తీసుమ హార శోభిత మాత దేవకి నందనా

లీల నాటక సుాత్ర ధారివి లీల విశ్వస్వ రుాపనా

పాల చేలకు చేల నాపరి పాల మంజుల భుాషణా 

కేళి లీలవి నోద నాఖలు కాల కాళియ మర్దనా॥

శీల సద్గుణ రాయ సుందర శిష్ట పాలక  చిద్ఘనా

బాల నందసు నందనా భవ బంధ పాపవి మొాచన 

కాల కారణ జన్మ ధారణ  కావు మాఖగ వాహనా

నీల మేఘన శ్యామ సుందర నీళ -భుావర దేవనా॥

ఇంది రారమణా హరీనమొ ,ఇందు శీతల హాసనా

వంది మాగధి సేవ్య మానసు పాద, పంకజ లోచనా

గంధ మాలసు భుాషితా నర కాంత కారక ధీవరా

సుంద రాసుకు మార మేయవ సుంధరోద్ధర దేవరా ॥

శ్యామ సుందర భాగ్యదాయక సాయి సద్గుణ నాయకా

భామ సత్యహృ ధామ శ్రీపతి ,భార దుర్నర కాంతకా

కోమలాంగ సువేద వందిత కోటి సుార్యప్ర కాశకా

సోమ సుార్యసు లోచ నావర  శోభ నాసుఖ కారకా॥

దేవ పార్ధస  ఖాప రాత్పర      దేహ విశ్వస్వ రుాపకా  

కావ రావయ  కంజ లోచన     కామితార్ధ ప్రదాయకా

సేవ సేతును వేద మూరుతి   శంఖ చక్రగ దాధరా

గోప గోపిజ నార్దనాప్రియ         గోకులాపరి పాలకా॥

జీవ కోటికి రక్షణీయగ    జన్మ  మెత్తిన  మాధనా

పావ నానఘ పద్మ లోచన పాహి భాగ్యవిదాయకా     ॥

ధావ రాగిరి ధారి నాముర ళీమ నోహర మొాహనా

రావ నామశ్రి  క్రిష్ణ పాండవ  రక్ష కాసుఖ కారణా ॥

ప్రక్రియ : సున్నితం లో అంశం : రక్తదానం.

అంశం : రక్తదానం.

రచన : శ్రీమతి: పుల్లాభట్ల జగదీశ్వరీమూర్తి .

కల్యాణ్ : మహారాష్ట్ర.

141.

మహిలో  మనుషులు వేరైనా 

 ప్రవహించే రక్తం ఒక్కటేనన్న

 మాటకు నిదర్శనం  రక్తదానం

 చుాడచక్కని తెలుగు సున్నితంబు. ॥

142.

కుల-మతాల తేడాచుాపని సమానత్వం

అందరిలో ప్రవహించే  జీవామృతం.

నిజమిదేనని తెలుసుకోవాలి మనం .

చుాడచక్కని తెలుగు సున్నితంబు. ॥

143.

మానవత్వంలో దాగిన  యజ్ఞంఫలం.

ధనమిచ్చినా దొరకని  మధురసం

అరుదైన  పరోపకార వరం .

చుాడచక్కని తెలుగు సున్నితంబు. ॥

144.

పౌష్టికాహారం రక్తపుష్టికి  ముాలం.

అహారబలం రక్తశుద్ధి  కారకం

రక్తదానం , జీవితమే ధన్యం .

చుాడచక్కని తెలుగు సున్నితంబు. ॥

145.

మనుషులంతా ఒక్కటంటుా నిరుాపించేది

మానవత్వానికి నిదర్శనమై నిలిచేది

రక్తహీనులకు బ్రతుకునిచ్చేది రక్తదానం .

చుాడచక్కని తెలుగు సున్నితంబు. ॥