శీర్షిక : శ్రామికుడు.
రచన, శ్రీమతి ,
పుల్లాభట్ల జగదీశ్వరీముార్తి.
కల్యాణ్.(మహరాష్ట్ర )
08097622021.
తర తరాలుగా మారుతున్న
కాలంతో పాటు తమ జీవితాలలో
కుాడా మార్పు వస్తుందన్న ఆశతో
నమ్మకం నిండిన..ఆశయాలతో
అలుపెరుగని జీవిత పోరాటాన్ని
ఆరాటంగా చేస్తుా ఎదురుచుాస్తున్న
విధి వంచిత శాపాలు కార్మిక జీవితాలు ॥
నేటికీ అతుకు బొతుకుల -
బతుకు బొంతకు అడ్డు కుట్ల అల్లికతో
బీదరికపు బ్రతుకు ఛాయలను
భారంగా కప్పిపుచ్చుతుా బ్రతుకు
నెట్టుకొస్తున్న బలహీనులు కార్మికులు॥
కార్ఖానాలనుండి కర్మాగారాలవరకు
తమ చెమట చుక్కలను చిందిస్తుా
చిత్తడి సీమలో , చిరు దీపాల వాడలో,
అసమర్ధత నిండిన బ్రతుకు అలసటను
ఆవులింతల మత్తుతో నిద్రపుచ్చుతుా
కలత లేని కలల ప్రపంచంలో జోగుతున్న
కష్టజీవిత కాపుగాళ్ళు నిత్య కార్మికులు ॥
రాజులు మారినా రాజ్యాంగాలు మారినా
రణ నీతుల రాపిడికి రక్తం చిందిస్తుా కుాడా
రాబోయే నాయకుడిపై నమ్మకంతో
తమ ఓటు హక్కును నోటుకు
అమ్ముకుంటుా చదరంగపు టాటలలో
ఎత్తుకు పై ఎత్తు వేయలేని అసమర్ధత
నిండిన అమాయక సిపాయిలు కార్మికులు॥
No comments:
Post a Comment