*తప్పిపోయిన అమ్మ కావాలి*
ఓనాడు నేలపై నడిచేటి దేవతే అమ్మ
ఈనాడు ఆ అమ్మనే ఆధునిక భూతమావయించెనమ్మ
ఆనాడు ముద్దాడి మురిపించి ముద్ద తినిపించేది అమ్మ
ఈనాడు సెల్లులో సొల్లుతో పసివాడి గుండెల్లో అశ్రద్ధ ముల్లుగుచ్చి కసురుకునేది నేటికాలపు అమ్మ
అందాలు త్యజించి రొమ్ములో సొమ్మును ధారపోసేది ఆనాటి అమ్మ
అందరక్షణ పేరుతో డబ్బాను పసినోట్లో కుక్కేసి
రసాయనాలను మెక్కేసి మెరిసేది నేటికాలపు అమ్మ
ఆమె అమ్మ కాదయ్యా నిజానికి ప్లాస్టిక్ బొమ్మ
ప్లాస్టిక్ బొమ్మ ప్లాస్టిక్ బొమ్మ
వీరగాధలు చెప్పి వీరత్వమును నింపేది ఆనాటి అమ్మ
వెర్రిచేష్టల వలయంలో సంస్కారహీన రోగానికి చిక్కి వెతలపాలవుతున్నా అనారోగ్య రూపమే నేడున్న అమ్మ
ఏనాటికైనా అమ్మ గొప్పదేనమ్మ
ఆ అమ్మలో వచ్చేటి మార్పు నేటి సమాజానికి
ముప్పేనమ్మ
ప్రతి మహిళ మలినపు మార్పులను కసురుకుని
మనుగడకు బీజమేస్తే
ఏ నాటికైనా అమ్మ
అపురూప కావ్యమేనమ్మ
అపురూప కావ్యమేనమ్మ
అపురూప కావ్యమేనమ్మ
*అభిరామ్*
No comments:
Post a Comment