అంశం: *చిత్రకవిత*
తేదీ: 12-07-2021
మ. సా.క.సం. *28*
*********************
పేరు: పొర్ల వేణుగోపాలరావు
ఊరు: ఎల్లారెడ్డిపేట
ప్రక్రియ: మధురగతిరగడ
శీర్షిక: అంతా మేమే
ఈమాసం కవితాసంఖ్య: *07*
*********************
మిలమిల మెరుపుల మింటిసితారలు
జలజల యేరుల జారే యాటలు
కిలకిల నవ్వుల కీరపు మాటలు
గలగల సవ్వడి గాలుల గోలలు
తళతళ మెరిసే తామర మోములు
కళకళ లాడే కాంతుల చిందులు
బుడిబుడి నడకల బుడతలు మేమే
వడివడి యడుగుల పరుగుల మేమే
చకచక చదువులు చదవగ మేమే
పకపక నవ్వుతు పనులలొ మేమే
నలుగురు మెచ్చగ నడతయె నచ్చగ
వెలుగులు చిమ్ముతు వేకువ వచ్చెగ
పాపలు పాటలు పాడుతు సాగగ
రేపటి జెండా రెపరెప లాడగ
ఎల్లలు యెఱుగని యీ నవలోకం
పిల్లల భవితకు పెట్టిన తిలకం
*********************
హామీపత్రము: ఇది నా స్వంత రచన. దేనికీ అనువాదం,అనుకరణ కాదు.
No comments:
Post a Comment