భారత రాజ్యాంగం..

వారం వారం కవిత

కవిపేరు:డా.రామక కృష్ణమూర్తి

ఊరు:బోయినపల్లి,సికింద్రాబాద్.

చరవాణి:9948285353.

కవిత అంశం:రాజ్యాంగం

శీర్షిక:సర్వోత్కృష్టం

భారతదేశానికి సర్వోత్కృష్ట చట్టంగా రూపొందింపబడి,

మేధావుల రూపకల్పనలో

పటిష్ఠంగా తీర్చిదిద్దబడి,

సర్వసత్తాక,ప్రజాస్వామ్య,

గణతంత్ర,సామ్యవాద అస్తిత్వానికి సూచికయింది.

ప్రాథమిక హక్కులే కాక విధులు,ఆదేశసూత్రాలతో నిర్మించబడింది.

పరిపాలనకు దన్నుగా,

ప్రభుత్వ నిర్మాణానికి అండగా,

శాసన,కార్యనిర్వాహక,న్యాయవ్యవస్థలతో దుర్భేధ్యంగా కూర్చబడింది.

న్యాయం,స్వేచ్ఛ,సమానత్వం,

సౌభ్రాతృత్వాల దర్పణమై

ప్రతిబింబిస్తున్నది‌.

షెడ్యూళ్ళలో అనేక విషయాల క్రోడీకరణతో,

పౌరులకు,పాలకులకు ఆధారగ్రంథమై,

భారత కీర్తిప్రతిష్ఠలకు తలమానికమై నిలిచినది.

హామీపత్రం:

పై వచనకవిత నా స్వంత రచన.దేనికీ అనువాదం, అనుకరణ కాదు.

Dr.R.Krishnamurthy

21-1-2021.