ఆస్వాశన..( భరోసా. ).

అక్షరాల అలల్లో కొట్టుకు పోతుా-

కవితాంశాల గాధల్లో ,

శాఖోపశాఖలుగా విస్తరిస్తుా-

కలం గళం లో చిక్కుకున్న,

అసహాయ ఆర్తనాదం...

ఆడపిల్ల...॥

ఒకచోట భ్రుాణ హత్యకు లోనైతే,

వేరొకచోట వెలయాలిగా -

యాతనలకు బలౌతోంది.

పసితనం లోనే కామాంధుల

క్రౌర్యానికి లోనై -రక్తపు ముద్దై  

మట్టిలో  కలిసిపోతోంది.॥

యవ్వనదశలో -

యాసిడ్ దాడులకు గురై,

తీరని కలల కొలిమిలో

కాలిపోతోంది.॥

ఇల్లాలిగా ఈతిబాధల 

కడలిలో ,నడి సంద్రపు నావై -

మిగిలిపోతోంది.॥

దురహంకార మ్రుగాళ్ళ-

విడాకుల విధ్వంశ చర్యలకు

రెక్కలు తెగిన పక్షిలా 

విల-విల లాడుతుా విలపిస్తోంది.

అమ్మై ,అక్కై ,చెల్లై  ,

ఆలై , ఆదరించే నెచ్చెలై ,

సహనానికి మారు పేరుగా -

నిలచిన ఆమె బతుకు ,

ప్రతీచోట అవమానింపబడి, ,

వయొాపరిమితి కానని-

మగ మ్రుగాల -

వాసనాక్రుత్యాలకు,

బలవన్మరణాల పేటికల లో

శవమై ఒరిగిపోతోంది.

పసితనం నుండి ,

పండు ముసలి వరకు

కామాంధుల క్రౌర్యానికి  

ఆహుతౌతున్న అబలలారా

మీ కష్టాలనుా  కన్నీళ్ళనుా తుడిచి,

మీకై మేమున్నామని  ఆశ్వాశన నిచ్చే-

ఆపద్బాంధవుడు అవతరించి..,

తెలంగాణా గడ్డపై, ఇచ్చిన భరోసా..

స్థ్రీల సంరక్షణా  వికాశాల జాబితా---

రండి..మీ బాధాస్పద జీవితాలకి-,

స్వస్తి  పలకండి. 

ఆడది అబల కాదు-

సబల అని నిరుపించే ,

ఆదర్శ  "బడికి" హాజరవ్వండి.

స్త్రీల  వికాశమే ప్రగతి పథానికి 

విజయ పథమని

చాటి చెప్పండి॥

రచన ..శ్రీమతి ,

జగదీశ్వరీముార్తి.

కల్యాణ్..

( మహారాష్ట్ర ).

--------------------