కుదిరితే చిన్న చిరునవ్వు. (కవిత.)

తెల్లవారి లేవగానే...

నీకు ఇష్టం   ఉన్నా లేకపోయినా, నీ-

పెదవులపై , చిన్న చిరునవ్వు చిందించు.

తేనె వంటి తీయని పలకరింపు వినిపించు.

నీ చుట్టుా,  ఉన్న నీ వారి ఆనందం ,

నీ వెప్పటికీ మరువలేని అనురాగ బంధమౌతుంది.

నీకు ఇష్టం   ఉన్నా లేకపోయినా, నీ-

పెదవులపై , చిన్ని చిరునవ్వు చిందించు.

తేనె వంటి తీయని పలకరింపు వినిపించు.

బయటి ప్రపంచంలో నువ్వడుగిడే ప్రతీచోటా,

నీ చెలిమికై చేయిజాచే వారు, నీ బాటలో ఎదురౌతారు.

నీకు ఇష్టం   ఉన్నా లేకపోయినా, నీ-

పెదవులపై , చిన్ని చిరునవ్వు చిందించు

తేనె వంటి తీయని పలకరింపు వినిపించు.

నీ కష్టాలను , తన ఇష్టాలుగా . భరించే సహచరి , 

నీ భారాన్ని ,బాధల్ని ,పంచుకునేందుకు నీ వెన్నంటే ఉంటుంది..

నీకు ఇష్టం   ఉన్నా లేకపోయినా, నీ-

పెదవులపై , చిన్ని చిరునవ్వు చిందించు

తేనె వంటి తీయని పలకరింపు వినిపించు.

వ్రుద్ధాప్యంలో, నీ ప్రేమను పొందిన వారు , నీకు తిరిగి పంచి ఇచ్చేందుకు, నీ పిల్లలు, నీకు తోడై నిలుస్తారు.

నీకు ఇష్టం   ఉన్నా లేకపోయినా, నీ-

పెదవులపై , చిన్ని చిరునవ్వు చిందించు.

తేనె వంటి తీయని పలకరింపు వినిపించు.

జీవితంలో అన్నీ సాధించగలిగే అత్మ శక్తి 

నీలో నిరంతర సంజీవినై ,నిన్ను ముందుకు నడిపిస్తుంది.

నీకు ఇష్టం   ఉన్నా లేకపోయినా, నీ-

పెదవులపై, చిన్ని చిరునవ్వు చిందించు.

తేనె వంటి తీయని పలకరింపు వినిపించు.

లోకంలో డబ్బుతో కొనలేని ఆత్మ సంత్రుప్తి..

నీకు ఆలంబనై , ఆనందలోకాల్లో విహరింపజేస్తుంది

నీకు ఇష్టం   ఉన్నా లేకపోయినా, నీ-

పెదవులపై , చిన్ని చిరునవ్వు చిందించు.

తేనె వంటి తీయని పలకరింపు వినిపించు.

అందం, ఆస్థి , అంతస్థులనే  డాంబికాలనొడ్డే

సత్సంబంధాల సౌరభం ,నీ చుట్టుా పరిమళిస్తుా ఉంటుంది.

నీకు ఇష్టం   ఉన్నా లేకపోయినా, నీ-

పెదవులపై, చిన్ని చిరునవ్వు చిందించు.

తేనె వంటి తీయని పలకరింపు వినిపించు.

ఎన్నో బంధాలు, అనుబంధాలు , ఆప్యాయత-

అనురాగాల ఆస్థికి వారసుడవౌతావు.

నీకు ఇష్టం   ఉన్నా లేకపోయినా, నీ-

పెదవులపై, చిన్ని చిరునవ్వు చిందించు

తేనె వంటి తీయని పలకరింపు వినిపించు.

నీ చివరి క్షణాల్లో నీకై కన్నీరు కార్చే ఎంతోమంది

నీ స్నేహపుారితమైన చిరునవ్వు, ఎప్పటికీ తమతో

ఉండాలనే కోరికతో నీకై తపిస్తారు.

నీకు ఇష్టం   ఉన్నా లేకపోయినా, నీ-

పెదవులపై, చిన్ని చిరునవ్వు చిందించు

తేనె వంటి తీయని పలకరింపు వినిపించు.

నీ చివరి స్వాశలో , మమకారంతో నీకై తపించేవారి కన్నీటి అలలు,  వైతణీని దాటించే  వారధిగా మారి

నీ ఆత్మను , శాంతి లోకాలకు సాగనంపుతాయి.

తెల్లవారి లేవగానే...

నీకు ఇష్టం   ఉన్నా లేకపోయినా, నీ-

పెదవులపై , చిన్ని చిరునవ్వు చిందించు.

తేనె వంటి తీయని పలకరింపు వినిపించు.

జీవితాన్ని జయించే రీతిలో ,నీ

పయనాన్ని కొనసాగించి , మనిషిగా పుట్టినా

మనీషిగా ఎదిగి, అందరిమదిలో స్థిరంగా నిలిచిపో....॥

-----------------------------

రచన శ్రీమతి ,

జగదీశ్వరీముార్తి.

కల్యాణ్. ( మహరాష్ట్ర ).

-----------------------------