అంతరాపత్య. ( గర్భిణి స్త్రీ .కవిత)

విలువలు తగ్గిన విశ్వంలో, 

పలు రీతులలో , రక్షణలేని వనితల శరీరాలు ,

చిలువలై చెలరేగిన, నర సర్పాల కాట్లకు

విషపుారితమై , వేదనతో  అంతమౌతున్నాయి.॥

మ్రుగాల వంటి మగవారి క్రుార కామ వాంఛలకు

పసి పిల్లల నుండి, పండు ముసలి వరకు 

బలౌతున్న సంఘటనలు, అతి సాధారణమై

వేల సంఖ్యల్లో వెలికి వస్తున్నాయి., ॥

తీగ కదిపితే డొంకంతా కదిలే దశలో " దిశ"

చట్టాలు, దిక్కులు మారుస్తుా , దశాబ్దాలుగా తీర్పు తేదీలని  పొడిగిస్తుా..పైశాచిక ప్రవ్రుత్తులను పాయసాన్నాలు పెట్టి మరీ పోషిస్తున్నాయి॥

రాజెవరో, రంకెవరో కనిపెట్టలేని రంగుల ప్రపంచంలో

మేకతోలు కప్పుకునే పులులు , విశ్రుంఖలంగా

తిరుగుతుా ,విచక్షణారహితంగా,ధన, హీన , దీన,  మానాలపై దాడులుచేస్తుా, దేశానికి , దుర్గతి పట్టిస్తున్నాయి.॥

అసహాయపు ఆర్తనాదాలు నిండే - అర్ధాంతర చావుల ఆక్రోశపు ,చితి-మంటల అగ్ని-గుండాలచుట్టుా ,

ఆయాత్తమైన పాపపు మరణమ్రుదంగాలు-

హాహాకారాలతో ,అగ్నిలో ఆరని  అర్ఘ్యం పోస్తున్నాయి.॥

మంటల్లో మసైపోతున్న మానాలతోపాటు,

వావి- వరుసలెరుగని ఘాతుక చర్యల , విక్రుత

రుాపాలు,  నిర్లజ్జాపుారిత నినాదాలు చేస్తుా, ,

వికటాట్టహాసం తో ,  వీరవిహారం చేస్తున్నాయి ॥

అకాశాన్నంటుతున్న అన్యాయపు చావుల సెగల- తాకిడికి , తామెక్కడ మైలపడతామొా, అన్న ట్టుగా , మేఘాలు ధుమ-ధుమలాడుతుా, ముఖాలు -చాటుచేసుకుంటున్నాయి॥ 

వర్షాలు కురవక ,బీడుబారిన భుాములు బద్దలై ,

రైతుల కన్నీటి గాధలను ,తమలో

ఇముడ్చుకొనేందుకు ,స్మశానవాటికలుగా మారి ,

ఆత్మహత్యలను అదేపనిగా ప్రేరేపిస్తున్నాయి.॥

ప్రక్రుతి  వికటించి,  తన ప్రతాపాన్ని చుాపుతున్నా..

విక్రుతి చేష్టలు వీరవిహారం చేస్తుానే ఉన్నాయి.

చదువు సంస్కారాలు, సాంప్రదాయపు కట్టుబాట్లు,

సంస్కారహీనుల స్వార్ధపు అధికారాలకు తల వంచుతున్నాయి॥

ప్రజా రాజ్యాంగ చట్టాల , 

మార్పురాని తీర్పుల పట్టీని చదవలేని  

న్యాయ దేవత,  కళ్ళకు గంతలు కట్టుకుని

న్యాయాన్యాయాలను, తుాకం తో కొలుస్తున్నాది.॥

ఎటువైపు బరువుంటే అటువైపు మొగ్గే--

వెసులుబాటు కలగడంతో, అక్రమాలు , ఆగడాలు అఱ్రులు చాచి మరీ  అన్యాయం ,  అధర్మాల  బరువుతో తక్కెడలను అక్రమిస్తున్నాయి.॥

రక్కసి చర్యల రాజ్యాంగంలో, దోపిడీ దొరల రాక్షసత్వం

నిర్భయంగా చొరబడుతున్నా, స్పందించి ఎదిరించే "ఒక్క నాధుని కుాడా కనలేకపోయేనే"  అన్న బాధతో , భరతమాత గుండె బద్దలైనట్టు విలపిస్తోంది॥

ప్రజల్లో క్రౌర్యం, కరడు కట్టిన హలమై,నీతి-నియమాల పంటను కుాకటివేళ్ళతోపెకిలించివేస్తుా,

అడిగే నాధుల్ని అడ్డంగా నరికేస్తుా, అక్రమాల "విత్తుల" కు ,అరాచకపు గెత్తం వేసి , ఎదిగేలా చేస్తోంది.॥

 

పుట్ట- గొడుగుల్లా పుట్టుకొస్తున్న విక్రుతి చేష్టల

వింత బిడ్డలను , మళ్ళీ మళ్ళీ  ప్రసవించలేని భరతమాత , పురిటి నొప్పులను భరించలేక..పిచ్చెక్కినట్టు విలయతాండవం చేస్తుా , విధ్వంసాన్ని శ్రుష్టిస్తోంది.॥

ఓ నర రుాప రాక్షసులారా ! నాశనమైపోండంటుా...!॥

---------------------------------

పై కవిత నా స్వంత రచనేననీ , ఎక్కడా ముద్రణ 

కాలేదని, ఇందుముాలముగా తెలియజేయుచున్నాను.

రచన, శ్రీమతి, 

జగదీశ్వరీముార్తి.

హైదరాబాదు (తెలంగాణా )..

---------------------------

--------------------------