అమ్చీ ముంబాయ్.
--------------------------
చాలీ చాలని జీతం తో
రాజీ పడలేని జీవితానికి
అభయమిచ్చే ఆనందపురం
మహారాష్ట్రయే మనకొక వరం ॥
మహారాష్ట్ర లో అడుగిడిన ఆనందం
ముంబై నగరం పై తరగని మమకారం
అన్నా పిలుపులతో ఆత్మీయానుబంధం
సమానత్వానికి నిండు నిదర్శనం ॥
అడుగడుగునా తెలుగుదనపు పచ్చదనం
తెలుగు సభల పరిమళాల సుగంధం
సాంస్క్రుతిక , సంగీత, సాహిత్యాల
సమన్వయపు వేడుకల తోరణాల అందం ॥
తెలుగు పండగల నుాతన శోభలు
పసుపు కుంకుమల పసిడి తోరణాలు.
ముగురమ్మల శుభ మంగళ గీతాల
తెలుగు వెలుగుల వైభోగాలు ॥
గణపతి రాయని ఘన స్వాగతంతో
నవదుర్గల శుభ యాగ, పుాజలు
దీపావళుల వరుస దేవెనల
అక్క, చెల్లెళ్లింట ఆనంద భోజనం...॥
అన్నా టిఫిన్స్ నుండి , అంగడి వరకు
రెష్టారెంట్ల నుండి ..ష్టార్ హోటల్స్ వరకు
తెలుగు రుచుల నిడు తీపి భోజనాలు..
తెలుగు వాడి ప్రతిభ నేలు ప్రశంశా పాకాలు ॥
పేదా గొప్పల తేడా లేదు
జాతి మతాల జాడ్యం లేదు
చదువు లేకున్న భయమే లేదు
బ్రతుకు తెరువు కిట కరువే లేదు ॥
చదువుల బడిలో , దేవుని గుడిలో
పదవుల వేటలో ,పలు రంగాలలో
మహరాష్ట్రాలో ' తెలుగు వైభవం
సాధించెను ఘనమైన ప్రాభవం॥
అమ్చీ ముంబై....అమ్మ ఒడి
అనుభవ విద్యల నేర్పు బడి
అన్ని జాతులకు ఆలంబన నిడు
ఆత్మ బాంధవుల అభయ పురి ॥
--------------------------------------------
రచన, శ్రీమతి ,
పుల్లాభట్ల జగదీశ్వరీముార్తి ,
కల్యాణ్ .
----------------------------------------------
No comments:
Post a Comment