సంక్షేమం సంక్షామం

💐మహతీ సాహితీ కవిసంగమం💐ప్రతిరోజూ కవితా పండుగే💐

పర్యవేక్షణ:డాక్టర్ శ్రీ అడిగొప్పుల సదయ్య గారు

నిర్వహణ:శ్రీ దాసరి చంద్రమౌళి గారు

తేదీ:1/2/2021

పేరు:చంద్రకళ. దీకొండ

ఊరు:మల్కాజిగిరి

అంశం:సంక్షేమం... సంక్షామం

శీర్షిక:పేరు గొప్పల ప్రణాళిక

🌷🌷🌷🌷🌷🌷🌷

అత్యవసరం కాని వస్తువుల 

ధరల తగ్గింపు...

నిత్యావసరాల ధరల పెంపు...!

స్వదేశీ నూలువస్త్రాల ఖరీదు హెచ్చింపు...

విదేశీ నైలాన్ దుస్తుల ధర తగ్గింపు...!

గంటకు తొంభై కోట్ల ఆదాయాల

అంబానీలకు పన్నుల మినహాయింపు...

వచ్చే జీతంతో తృప్తిపడి...

వస్తువుల కొనుగోళ్లతో అంబానీల

ఆదాయం పెంచే...

వేతన జీవులకు పన్నుల పెంపు...!

అటు "అగ్రిసెస్" వెన్న ...

ఇటు ట్రాక్టర్ కవసరమైన డీజిల్ ధరపెంపు "సున్నం"...!

ఉద్యమిస్తున్న రైతును ఊరడించే ప్రయత్నం...

సెస్సు పేరుతో వ్యాపారం...

రైతును మాత్రం చేరని సాయం...!

ఎన్నికలు జరగబోయే రాష్ట్రాలకు

వరాల లంచాలు...

కానివాళ్ళకు ఖాళీ కంచాల్లో వడ్డింపులు...!

 ఉన్న ఆస్తుల్ని అమ్ముకుంటూ...

"ఆత్మనిర్భర" ప్రచారం...

సామాన్యుడి బ్రతుకును మరింత దుర్భరం చేస్తూ సాగిస్తున్న వ్యవహారం...!

ప్రజాసంక్షేమమంటూ చాటింపు...

సగటు జీవికి మిగిలేది సంక్షామమే...!!!

*****************************

చంద్రకళ. దీకొండ