సాహిత్యం ఎందుకు...?

🕉️🕉️🕉️🕉️🕉️🕉️🕉️🕉️🕉️

*మహతీ సాహితీ కవిసంగమం-కరీంనగరం*

*ప్రతిరోజు కవితాపోటీలు*

⚛️⚛️⚛️⚛️⚛️⚛️⚛️⚛️⚛️

పర్యవేక్షణ: *శ్రీ డా॥అడిగొప్పుల సదయ్య గారు*

నిర్వహణ: *శ్రీ బీరప్పొల్ల అనంతయ్య గారు*

తేది: *02-02-2021: మంగళవారం*

అంశము: *సాహిత్యం ఎందుకు?*

ప్రక్రియ: *వచనము*

రచన: ముక్కా సత్యనారాయణ

         పెనుగంచిప్రోలు

🦚🦚🦚🦚🦚🦚🦚🦚🦚

సాహిత్యమనగ సహితము కాదె సాలోచనగ చూడ ,

సర్వజనులకు శ్రియము కోరగ చేయవలె కవనము.

జగతిలోన శాంతి కలుగచేయును సాహిత్యమే

జనులలోన మార్పులు తేగలది కూడా సహితమే.

వెంకటేశునలరించిన అన్నమయ్య కీర్తనలు , వెంగమాంబ కృతులు

వెండికొండ వాసుని కొలిచి పిలిచిన ధూర్జటి శతకము,

భోజుని కడ కవిరత్నములు , విక్రమార్క నవరత్నాలు

దేవరాయని అష్టదిగ్గజాలు చేసె రచనలు ప్రయోజనముతోడ.

ఆరోగ్య, అస్త్ర శస్త్ర, యాంత్రిక సాంకేతికతల నాడె రచియించె.

నేటి సాహిత్యమే రేపటి భవితకు దిక్సూచి కాగలదు.

పలు ఉద్యమాల స్ఫూర్తి , పలు జాతుల కీర్తి , 

ప్రేమ కథల ఆర్తి , విజయగాథల దీప్తి సాహిత్యమే కదా!

నాడు భగవానుడు చేసిన వ్యక్తిత్వ వికాస గీతయు సహితమే.

దేశభక్తి రగిలించిన ఆనందమఠ, వివేకానంద వికాసము

భర్తృహరి సుభాషితాలు , గాంధీజీ సత్యశోధన , దాస్ క్యాపిటల్

ఏది చూసిన దాగినది ప్రయోజనమె, యుద్ధము శాంతి ఏదైనను.

అక్షరము చాలదె అగ్గిపుల్ల వలె అగ్ని రగిలించగ..

ఆహ్లాదమైన , ఆనందమైన , భక్తి రక్తి ముక్తి పథముల యేదైనను

విప్లవమైన ,వికాసమైన , సాంకేతికమైన విశ్వశ్రేయస్సు కోరగ

అదియె సాహిత్యమును , విశ్వజనుల అభివృద్ధియె కోరునెపుడూ..