మంటలు రేపే మంటలు..

భగ భగ మను మంటల్లో ,

భుగ భుగ మని రగిలి రగిలి

ధుా ధుా మని కాలి కాలి

మసిబారిన నా చెల్లీ....॥

కామాంధుల క్రౌర్యానికి ,

 కర్కశ చుాపుకు దాడికి,

 కన్నీరై మున్నీరై ,

 విలపించన ఓ చెల్లీ॥

మనుషులమని మరచి- మరచి,

వలువలిప్పి తరచి -చెరచి,

పైశాచిక చర్యలతో ,

పొడిచి పొడిచి పాడికట్ట--

-

కాటేసిన కర్కసులను-

కాళ్లుపట్టి వేడి వేడి,

బతిమిలాడి,  పెనుగాడీ,

బలిపశువైపోయిన చెల్లీ...॥

మందుమత్తు  మాటులోన

మంటల నిను కాల్చి -కాల్చి

చుట్ట చుట్టి వదిలి వేయు,

ముదనష్టపు మగమ్రుగాళ్ల---

మానము ముక్కలు కోసి,

కసిదీరగ  చావబాది--

నడి రోడ్డున ఉరితీసే-

న్యాయపు తీర్పేది మనకు.॥

అలనాడొక నిర్భయ...మరి

ఈనాడొక  దరి ,  ప్రియాంక.

తెలిసిన కన్నీటి గాధ---..

లింకెన్నో  తెలియనివిట॥

తల్లీ , చెల్లని తేడా.

లెరుగని కుక్కల కొలువులొ.

ప్రతి తల్లికి గుండెకోత...ప్రతి

పడతికి శోషణల  రాత.॥

ఎన్నాళ్లింకెన్నా...

ళ్ళింకెన్నాళ్ళీ  బ్రతుకు భీతి.

ఆడది,  అబలని సాగే--

ఆతంకపు క్రుార రీతి ॥

లేవండిక లేవండిక

పట్టండిక  కరవాలం.

క్రుారుల ఛెండాడు,  పనికి

ఝళిపించీ  యమపాశం..॥

చట్టపు తారీకులొద్దు.

చుట్టపు ఓదార్పులొద్దు.

మీటింగులు, షుాటింగుల-

సిగ్గులేని  తీర్పులొద్దు.॥

మీడియాల ఘోషలొద్దు

మేడిపండు బాస లొద్దు

చాపకింద నీరువంటి

సంచలనపు మాటలొద్దు.॥

అగ్నివై రగిలిపోయి..

ఆవేశం పొంగిపొరలి,

ఓపలేని ఆవేదన ...

శక్తై  చెలగేటి , హలగ..

ఖండించవె , క్రుారుల నిక,

మహిషాసురమర్దినివై-

ఛండివై ,  ప్రచండవై

ఛెండాడవె  కాళివై.॥

అమ్మగ, అక్కగ ,చెల్లిగ-

ఆలిగ , అగచాట్ల నేలు,

శాంతముార్తి- రగిలిపో....

త్యాగమొదిలి ,చెలగిపో...॥

మందులేని గాయమిది.

వ్యధలు రేపు కావ్యమిది.

కదలు కథల కొలిమి ఇది..

మారనీ... సమాజమిదీ..॥

శక్తిరుాపు చుాపి- చుాపి,

పాపాత్ముల రుాపుమాపి,

భద్రకాళివై చెలగే

తరుణమిదని సాగిపో॥

తరుణమిదని సాగిపో.॥

తరుణమిదని సాగిపో..॥

-------------------------------

మందులేని గాయమిది.

వ్యధలు రేపు కావ్యమిది.

కదలు కథల కొలిమి ఇది..

మారనీ... సమాజమిదీ..॥

ప్రతీ క్షణం, మ్రుగాలవంటి -

మగాళ్ళ కాంక్షలకు ..

ఆహుతవుతున్న..

అక్కలు..చెల్లెళ్ళకు'

పాపలు , పసికందులకు..,

అశ్రు  నివాళులతో..

రచన, 

శ్రీమతి,

పుల్లాభట్ల -

జగదీశ్వరీముార్తి.